Pratica te na mpreja

L ciamp dl mparé Percursc per la Cumpetënzes Trasverseles y l Orientamënt (PCTO) ie n elemënt ntegrant dla formazion de scola y aldò dla regulamentazions stateles iel pert dla prova a usc ala fin dl percurs de scola auta.

Acioche la sculées y i sculeies posse unì lascei pro al ejam de stat (ejam de maduranza), muessi avëi fat tl segondo biennium (te 3ª o 4ª tlas) na pratica te na mpreja.

Chësc ciamp dl mparé dëssa ti dé ala sculées y ai sculeies l mesun de dé na udleda al mond dl lëur, coche nce ti vester de aiut a crì ora n stude o mestier plu tert. Chësta pratiches te na mpreja possa nce unì fates ora dl Südtirol o te n auter stat, tambën ntan l ann de scola coche nce tl tëmp dla feries de scola.

.