Curs de spezialisazion

Descrizion dl curs de spezialisazion

I cursc per scultëures pitei dala Scola prufescionela per l artejanat artistich de Gherdëina ie pensei sibe per prinzipianc che nce per progredì.

Gherdëina à da mustré su na longia y bën nraviseda tradizion per chël che reverda la scultura tl lën; l mestier de scultëur ie recunesciù coche na prufescion che jan inant ti ani, nce sce mantenian da una na pert la tradizion, se à destacà per ruvé sun formes y figures modernes. Scebën che l scultëur possa arjonjer na simbiosa ntressanta cun materiai desfrënc, l lën (sibe l lascian al naturel o n pert o dl dut depënt) restel l material preferii per la scultures y per i reliefs y determineia l carater dl realisadëur.

Ntan i plochs che dura 14 enes, uniun de 39 ëures de lezion, à i partezipanc l mesun de perfeziuné si cunescënzes, nce sce mpartides aldò di livei, mparan la bases dla scultura tl lën.

I contenuti proposti:

Nozions de basa dla scultura tl lën
Adurvanza te drëta mesura de mascins y massaria
Segurëza sun l lëur
Ntroduzion al material lën
Nozions de basa de tecniches desfrëntes de scultura
Scultura de: copies saurides da realisé, details anatomics (uedli, nes, bocia n. i.), reliefs, draps saurì da realisé, ogec tridimensciumei saurì da realisé
Ntroduzion a ogec da mudelé de mauta/plastilina y tecniches de mudelé
Realisazion de mudei de mauta y plastilina

Muscules y l schelet dl corp dla persona y si pruporzions
Scultura de details anatomics (mans, piesc, piet n. i.), copies de motifs,
draps plu laurei ora, retrac
Ntroduzion dla tecniches de musrè
Realisazion de modiei y bozes de plastilina
Realisazion de modiei a pië via da n retrat o da copies di gran mostri
Mudelé l corp desnut

Strutura dla muscules y dl schelet dl corp dla persona y si pruporzions
Ziplé de: copies de mudiei plu cumplichei, draps plu laurei ora, retrac
Mudelé schizes realisedes autonomamënter tla plastilina y daldòlauredes ora tl lën
Mudelé do tematiches dates dant
Mudelé dl corp desnut