Brain Food

Vijita tla cultura y storia ladina. La jita dla Scola prufesciunela per l artejanat artistich de Gherdëina à menà i sculeies al Museum Ladin Ciastel de Tor, ulache i à pedù fe nrescides nteressantes sun la cultura, la storia y l svilup dl'ert y dl artejanat tradiziunel ladin. Tl medemo mumënt à la vijita pità l'ucajion de mparé a cunëscer i locai per la proscima mostra dl ann de scola, de crì ora lueges de mostra puscibles y de abiné su ispirazions nueves per si lëures. Domesdì iesen jic inant a Longiarü ai mulins storics tla Val di Morins. Iló à i sculeies pudù mparé a cunëscer plu da daujin la maniera de lauré tradiziunela y l'arpejon culturela dla region. La jita à lià l mparé culturel cun mpulsc criatifs y à renfurzà la stima per la tradizions ladines y l artejanat da tlo.

La 5ª tlasses a l teater "Eva schläft" a Bulsan.

Reprejentazion dl teater "Natur (ver)suchen" per la 2ª tlasses dl Lizeum d'Ert y dla Scola Prufesciunela tl'Aula Magna. L pez de teater mostra cie che uel dì n svilup sustenibl. Te chël pez, che ie unì fat drët creatif y bel, se tratòvela de biodiversità, artejanat, società, economia y cultura. La sculées y i sculeies à mparà a capì i cunliamënc y a lauré pea te na maniera respunsabla per n bon daunì.

N'ajënda per i sculeies dla scoles mesanes svilupeda deberieda cun ëi! Nosta sculées y nosc sculeies dla 4ª tlas à fat na vijita ala Scola Mesana de Urtijëi per abiné adum ideies y dejideresc per l'ajënda nueva. Do na pitla prejentazion de nosta scola "La Prufesciunela", iel unì rujenà te de pitla grupes se nuzan de chertes mentales njeniedes ca: ciuna plates ie pa de bujën te na bona ajënda? Cie ie pa mpurtant y co dëssel pa unì fat? Truepa ideies fantastiches y ntredes de valor diretamënter dal obietif śën canche n passa ala proietazion!

I sculeies dla scola prufesciunela tol pert a la 7ª edizion dl simposio artistich y de scultura de lën che vën organizà uni doi ani, dedicà a la memoria de Toni Gross – artist, maester e alpinist de Poza. Chest ann à l simposium la tematica „Overtourism“.

La 1a y 2a tlas dla sezion pitura decurativa vijità la a berstót da moler y duradëur de Thomas Quitta a Urtijëi. De reviers a scola á i sculeies pedù amiré la bela operes d’ert dla Bienale de Urtijëi.