Creatività anconta devertimënt
12.03.2025
Sculeies dla 5ª tlas dla Scola Prufesciunela dla sezion Pitura decurativa, prejënta lëures creatives per la plata di mutons per la zaita "la Usc di Ladins". Cun na gran sensibilitá y motivation à la mutan laurá ora si cunzec sun la software per dessëni Illustrator.
Le Rëgn de Fanes
Prejentazion dl proiet L Rëgn de Fanes, n cunlaurazion cun l stilist Fernan Carlos. Tl proiet sarà la Scola Prufesciunela protagonista dla realisazion dla scultures de nëif a Al Plan. Na ancunteda danter criatività, ert y tradizion, che dajerà vita a na esperienza unica!
Udëi proiet
Nseniamënt sëurapro - Belijia de papier
Tl nseniamënt sëurapro veniel pità ai sculeies y a la sculees dla doi scoles ngrum de cursc deferenc de l ciamp dl ert, design y dla mujiga.
Udëi proiet
Nseniamënt sëurapro - Liber da la schizes
Tl nseniamënt sëurapro veniel pità ai sculeies y a la sculees dla doi scoles ngrum de cursc deferenc de l ciamp dl ert, design y dla mujiga.
Udëi proiet
Scuté su. Fé dumandes. Crì adum ideies.
N'ajënda per i sculeies dla scoles mesanes svilupeda deberieda cun ëi! Nosta sculées y nosc sculeies dla 4ª tlas à fat na vijita ala Scola Mesana de Urtijëi per abiné adum ideies y dejideresc per l'ajënda nueva. Do na pitla prejentazion de nosta scola "La Prufesciunela", iel unì rujenà te de pitla grupes se nuzan de chertes mentales njeniedes ca: ciuna plates ie pa de bujën te na bona ajënda? Cie ie pa mpurtant y co dëssel pa unì fat? Truepa ideies fantastiches y ntredes de valor diretamënter dal obietif śën canche n passa ala proietazion!
Udëi proiet
Natur (ver)suchen
Reprejentazion dl teater "Natur (ver)suchen" per la 2ª tlasses dl Lizeum d'Ert y dla Scola Prufesciunela tl'Aula Magna. L pez de teater mostra cie che uel dì n svilup sustenibl. Te chël pez, che ie unì fat drët creatif y bel, se tratòvela de biodiversità, artejanat, società, economia y cultura. La sculées y i sculeies à mparà a capì i cunliamënc y a lauré pea te na maniera respunsabla per n bon daunì.
Udëi proiet
Museum Ladin - Ciastel de Tor
Vijita tla cultura y storia ladina. La jita dla Scola prufesciunela per l artejanat artistich de Gherdëina à menà i sculeies al Museum Ladin Ciastel de Tor, ulache i à pedù fe nrescides nteressantes sun la cultura, la storia y l svilup dl'ert y dl artejanat tradiziunel ladin. Tl medemo mumënt à la vijita pità l'ucajion de mparé a cunëscer i locai per la proscima mostra dl ann de scola, de crì ora lueges de mostra puscibles y de abiné su ispirazions nueves per si lëures. Domesdì iesen jic inant a Longiarü ai mulins storics tla Val di Morins. Iló à i sculeies pudù mparé a cunëscer plu da daujin la maniera de lauré tradiziunela y l'arpejon culturela dla region. La jita à lià l mparé culturel cun mpulsc criatifs y à renfurzà la stima per la tradizions ladines y l artejanat da tlo.
Udëi proiet
Simposium de memoria Toni Gross tla Val de Fascia
I sculeies dla scola prufesciunela tol pert a la 7ª edizion dl simposio artistich y de scultura de lën che vën organizà uni doi ani, dedicà a la memoria de Toni Gross – artist, maester e alpinist de Poza. Chest ann à l simposium la tematica „Overtourism“.
Udëi proiet
Fonc per Málaga
La Scola prufesciunela per l'artejanat artistich “La Prufesciunela” de Urtijëi tol pert per l terzo iede a la Bienala Internaziunela de Ert y Scola dl’Axarquía a Torre del Mar tla Spagna. L vën prejentà n projet fat deberiëda danter la doi sezions scultura y pitura: fonc ziplei a man y depënc individualmënter dai studënc. La Bienala dà a la scola la puscibilità de prejenté si lëures a livel internaziunel y de avei cuntac cun scoles de autri paejes.
Udëi proiet
Vijita a la redazion dla zaita La Usc di Ladins
La 1ª tlas vijita la redazion dla zaita La Usc di Ladins te Gherdëina.
Udëi proiet

