Mostra dla Scola Prufesciunela per l'artejanat artistich

Nosta scola mët inó a jì na mostra tl Circolo Lia Mostra d’Ert y ti dà nsci la ucajion ala studëntes y ai studënc de mëter ora i resultac de si lëures fac ntan l ann de scola 2025/26, sibe tla scultura tl lën y tla decurazion pitorica, coche nce tl dessëni, tla proietazion y tl mudelé tla mauta. Da udëi iel nce lëures fac sun computer tla materia de aplicazion di media nueves. Sëuraprò iel da udëi lëures ziplei dala jëunes y dai jëuni dl Curs de spezialisazion de scultura. Tres i lëures d’uni sort ulons ve dé na idea de chël che nosta scola pieta, per ti dé a nosta sculées y a nosc sculeies l mesun de lascé luné tres y demustré si talënt.

Per l tema anuel “Insec” ie tla materies pratighes nasciui na gran varietà de lëures: te la scultura tl lën - realisazions a reliefs y  scultures realistiches, fin a studi de formes astrates. Te la pitura decurativa: studi naturalistics decuratives y ndurei fin a composizions de culëur espressives y finidures sperimenteles. Te la pitura decurativa: studi naturalistics decuratives y ndurei fin a composizions de culëur espressives y finidures sperimenteles.

N pont impurtant ie l valor dl lauré cun la mans: lauré cun la mans svilupa nia me la abiliteies artijianeles, ma stimulea ënghe la capazità dla perzesion. Chësta maniera de lauré gëura nueva stredes per l’esprescion y dà la pusciblità ai sculeies de mustré si idees te na maniera persunela.

Tl medem tëmp, la scola cunlieia la tradizion dl lauré manuel cun la digitalisazion y la tecniches modernes. Cun l’adurvé de strumënc moderns y metodi artijanei svilupa i studënc competënzes uniches per l daunì y mpera nscì prozesc creatifs te na maniera nueva. Truëps ie i proiec te nosta scola che sustën la cumpetënzes urientedes per l daunì y renforza abiliteies coche abiné soluzions per problems, l lëur te grupa y l lëur autonom.